الحلم

الحلم هو واقع عقولنا الباطنه هي اللي فرضته علينا .. هو هروب من الواقع الي عالم افتراضي غير موجود .. هو حالة كلنا عشناها وبنعيشها وهنفضل طول عمرنا نعيشها .. هو هروب من مسؤلية وتحديات لمجرد نومة عميقة .. هو سعادة مؤقتة كلنا في أوقات كتيرة بنحتجلها ...

الحلم برغم أنه ممكن يكون جزء من حياتنا إلا أنه أصبح حياة بدل حياتنا .. اتحول من مجرد حلم لواقع بقينا جواه وواقعنا اتحول لمجرد حلم نفسنا فيه .. بقينا بنحلم واحنا ماشيين واحنا قاعدين و حتي واحنا شغالين ..

الحلم للاسف بقي مسيطر علي عقولنا وأفكارنا ومشاعرنا .. اتحكم فينا وفي أفعالنا وردوها

أصبح حياة ومنقدرش نستغني عنه

مش عيب اننا نحلم بس صعب نموت واحنا بنحلم ... لازم نفوق من الحلم وننتبه للواقع والعمر اللي بيجري مننا .. للاسف الحلم اصبح كابوس بيطاردنا في حياتنا ومهما نهرب منه برضو بيلحقك ويكون جواك .. الحلم اصبح ادمان عند كل الشباب والبنات ... جميل أننا نحلم لكن الاجمل أننا نفوق و نصحي ونحقق حلمنا

الحلم مش انك تبقي نفسك

الحلم مش انك تبقي محتاج

الحلم مش انك تبقي مستسلم

الحلم مش انك تبقي متكل

الحلم اللي بجد هو العمل ، الاجتهاد ، المواصلة ، الصبر ، العزيمة ، الاصرار ، النجاح ، القوة

الحلم مش عايز إنسان عنده عقله لا ده عايز عقل جواه انسان عارف وفاهم و دارس ومخطط وحاسب هو فين ورايح علي فين خطواته محسوبة

الحلم انك تكون انسان و حاسس بمسؤوليتك وبمهمتك في الحياة انت هنا مش علشان بس تحلم انت هنا علشان توصل وتحافظ علي وصولك كمان

#الحلم_في_وصولك_لنجاحك_مش_انك_تنام

احلم بس خليك صاحي قبل ما حلمك للاسف يدفن معاك

محمد عاشور 2021